Horrela, mindfulnessa mantentzeko isiltasunean barneratzea beharrezkoa bihurtzen da. Isiltasunean barneratzeko gorputza eta arnasa izango ditugu arretaren helduleku. Izan ere, yoga saioetan proposatutako praktika desberdinek sentzazio desberdin eta anitzak esperimentatuaraziko dizkigute. Eta momentuan momentuko bizipenean oinarrituko gara, geure gorputza era ugarietan mugituz edota asanak (jarrerak) mantenduz.

Geure arretaren helduleku izateaz gain, gorputz lanketa honekin, geure barneko txokoak ezagutuko ditugu, geure mugak aurkituko ditugu eta muga hoiek errespetatzen ikasiko dugu. Geure alineazioa zuzen mantentzen ikasiko dugu; nola mantendu gure bizkar hezurra osasuntsu gorputzarekin edozelako mugimendu adierazi nahi dugunean. Giharrei indar ariketak proposatuko dizkiegu eta baita luzatuko ditugu, artikulazioak flexibilizatu eta lubrikatu, gorputzaren eguneroko mugimendu rangoetatik haratago joango gara eta zenbat modu desberdinetan mugi gaitezkeen exploratuko dugu. Exijentziarik gabe, borrokarik gabe, kontzientzia osoaz, zaintza aktibo batetik eta, batez ere, maitasun handiz.

Ezen maitasunetik arituko gara, bai arnasa lantzerakoan, bai arreta osoa mantentzerakoan, bai gorputzari eragiterakoan, bai erlajazio sakonera murgiltzerakoan eta bai praktika bakoitzak proposatuko dizkigun pausuak ematerakoan.

 Guzti honetaz gain, hausnarketara bideratuko gaituzten irakurketak edota ipuinak, yoga filosofiaren ideiak, mantrak, geure energia orekatzen laguntzen duten musika tresnak... entzuteko aukera ere izango dugu. Eta noizbehinka sorpresatxo desberdinez zipristinduak izango dira saioak, geure esperientzia osoagoa izan dadin, geure burua egoera are desberdinagotan ikus eta sentitu dezagun, eta esperientzia desberdinetara zabaltzen eta baimentzen has gaitezen.